Апазіцыя перамагла на выбарах у Манголіі
Дэмакратычная партыя Манголіі ўжо пачала святкаваць перамогу на парламенцкіх выбарах краіны.
Паводле папярэдніх вынікаў, партыі ўдалося пераканаць выбаршчыкаў у эфектыўнасці яе праграмы "пераразмеркавання прыбыткаў", інфармуе ВВС.
Дэмакраты абяцаюць падняць падаткі інвестарам і павялічыць сацыяльныя выдаткі бюджэту, карыстаючыся эканамічным бумам. Яго прычынай паслужыла актыўная распрацоўка радовішчаў вугалю, медзі і ўрану.
Нягледзячы на радасць апазіцыянераў, ЦВК Манголіі паведаміў аб невялікай
перавазе галасоў на іх карысць. Гэта азначае, што Дэмакратычнай партыі
прыйдзецца фармаваць кааліцыю ў парламенце.
