Беларускі дэзерцір атрымаў палітычны прытулак у Літве
Салдат Сцяпан Захарчанка атрымаў палітычны прытулак і магчымасць пражываць у Еўрапейскім саюзе на працягу 5 год.
Пра гэта сам Захарчанка распавёў літоўскаму парталу 15min. Афіцыйную інфармацыю аб прытулку ён атрымаў з Дэпартаменту міграцыі Літвы 15 сакавіка.
Захарчанка збег з вайсковай часці пад Мінскам улетку 2011 года і перабраўся за мяжу ў Літву. Хлопец сцвярджаў, што дэзерціраваў з войска, бо адмовіўся падпісваць дакументы пра выкарыстанне фізічнай сілы і баявой зброі супраць насельніцтва ў выпадку масавых акцый пратэстаў. Па словах Захарчанкі, за гэта яго моцна збілі.
Фота — 15min.lt
