Лукашэнка сёння правядзе нараду па сітуацыі ў беларускім хакеі
Як чакаецца, па яе выніках могуць адбыцца гучныя адстаўкі.
Нагадаем, 22 лютага падчас наведвання Мінскага камбіната хлебапрадуктаў Аляксандр Лукашэнка жорстка выказаўся наконт сітуацыі ў беларускім хакеі: няўдалага выступлення зборнай і мінскага "Дынама". Першая не трапіла на Алімпіяду ў Сочы, а дынамаўцы "праляцелі" міма плэй-оф КХЛ.
"Мне ўдвая сорамна не толькі гаварыць, а нават слухаць пра тое, як гуляе нашае мінскае "Дынама", — сказаў кіраўнік дзяржавы.
Лукашэнка заявіў, што будзе мець размову "з нядаўна прызначанай "троіцай": міністрам спорту, памочнікам прэзідэнта і першым віцэ-прэзідэнтам Нацыянальнага алімпійскага камітэта".