Мінсувязі: Андрэя Караіма звольнілі па згодзе бакоў
Дырэктар прадпрыемства, якое здало ў арэнду апаратуру да Дня Волі, стаў беспрацоўным.
Як вядома, акцыя была дазволеная і яе арганізатары заключылі дамову з Беларускім радыётэлевізійным перадаючым цэнтрам. Праўда, скарыстацца ён не змаглі, бо машыну з апаратурай затрымалі міліцыянты.
Факт звальнення дырэктара прадпрыемства Андрэя Караіма Еўрарадыё пацвердзілі ў Мінсувязі:
"Ён звольнены па згодзе бакоў. Такая афіцыйная інфармацыя".
Аднак, пра прычыны звальнення нічога невядома. У Мінсувязі не каментуюць магчымую сувязь яго звальнення з Днём Волі. У самім цэнтры нават не адказваюць на пытанне, ці сапраўды звольнілі іх начальніка. У прыёмнай дырэктара Еўрарадыё проста адказалі, што Андрэя Караіма сёння не будзе.
Фота — bymedia.net, deal.by
