“Рускі марш” у Маскве скончыўся без сур’ёзных інцыдэнтаў
Праўда, пасля завяршэння акцыі ў метро некалькі нацыяналістаў пабіліся з антыфашыстамі.
“Рускі марш” упершыню за чатыры гады праходзіў у цэнтры горада, дагэтуль нацыяналістам дазвалялі прайсціся па адным са спальных раёнаў расійскай сталіцы, адзначае ВВС.
Паводле звестак паліцыі, у акцыі прынялі ўдзел каля 6 тысяч чалавек, самі арганізатары ў выніку падалі іншую лічбу — 20 тысяч.
Нацыяналісты крытыкавалі цяперашнюю ўладу, якую называлі “нярускай” і абяцалі ў хуткім часе яе перамагчы.
