У 9 літоўскіх гарадах пакажуць фільмы пра Беларусь
Пачатак перасоўнага кінафестывалю Nepatogus kinas ужо 17 кастрычніка.
Нашай краіне на ім прысвечаныя дзве стужкі. “Беларуская мара” Кацярыны Кібальчыч, знятая паводле падзеяў выбарчай кампаніі 2010 года, і Is blocked love аўстралійскіх рэжысёраў, прысвечаны жыццю ЛГБТ-супольнасці ў Беларусі. Кінапаказамі справа не абмяжуецца.
“Пасля фільма будзе дыскусія. З экспертамі рознымі мы пагаворым пра Беларусь, пра сітуацыю пасля выбараў”, - паведамілі Еўрарадыё арганізатары фестывалю.
Стужкі пра Беларусь у Вільні пакажуць 21 і 22-га кастрычніка. 25-га пачынаюцца паказы ў Каўнасе, а затым фестываль пачне вандраваць і па іншых гарадах. Падрабязныя афішы і іншую інфармацыю аб яго мерапрыемствах можна пабачыць на афіцыйным сайце.
