У Баранавічах адбылася сустрэча з Юрыем Хашчавацкім
А таксама паказ яго дакументальнага фільма "Лабатамія". Імпрэза прайшла ў пятніцу, 15 лютага.
На сустрэчу сабралася каля 20 чалавек. Перад паказам фільма прэс-канферэнцыю з мясцовымі журналістамі правялі Станіслаў Багданкевіч, Леў Марголін і Юрый Хашчавацкі. Размова ішла пра эканамічны стан краіны, эміграцыю высокакваліфікаваных кадраў за мяжу.
Потым прысутным паказалі кінафільм ”Лабатамія”, і адбылося яго абмеркаванне. Адказваючы на шматлікія пытанні, Хашчавацкі адзначыў, што фільм ён ствараў як бы для сябе, як цікавы яму самому. Але аўтар спадзяецца, што і гледачу гэта будзе неабыякава.
