У брэсцкім КДБ так і не змаглі разгаварыць актывіста БХД
Андрэй Любянчук, сябра аргкамітэта партыі "Беларуская Хрысціянская Дэмакратыя", сёння пабываў на размове ва ўпраўленні КДБ па Брэсцкай вобласці.
Як раней паведамляла Еўрарадыё, учора яго выклікалі па тэлефоне "зайсці паразмаўляць", але пра тэму гутаркі змаўчалі.
Як рапсавёў актывіст у жывым эфіры Еўрарадыё, "размова" працягвалася каля 10 хвілін. Яму паведамілі, што ў КДБ "ёсць падставы думаць, што ён 19 снежня быў у Мінску", і цікавіліся, што ведае пра тыя падзеі і як да іх ставіцца. Любянчук скарыстаўся сваім правам не сведчыць супраць сябе (пра яго яму, дарэчы, нагадаў сам супрацоўнік КДБ) і нічога не расказаў.
