"Сабаку з паветраных шарыкаў" прадалі за 58 мільёнаў долараў (фота)
Трохметровы твор Джэфа Кунса купілі на вечаровых таргах у Нью-Ёрку.
Скульптар стварыў цэлую серыю работ, у якіх знайшло адлюстраванне яго дзіцячае захапленне паветранымі шарыкамі, з якіх можна ствараць розныя фігуры. Агулам былі створаныя пяць сабак з бліскучай паліраванай сталі, пафарбаванай у розныя колеры. Прададзены аранжавы сабака важыць каля тоны.
А вось працу мастака Эндзі Уорхола "Кока-Кола" прадалі за 57 мільёнаў долараў. Гэты твор быў напісаны ў 1962 годзе і ўяўляе сабой чорна-белую выяву бутэльку "Колы" ў чалавечы рост, інфармуе РІА "Новости".
Фота — AFP
