Сцэнарысты здолелі давесці, што штучны інтэлект іх не заменіць — #ІхНоравы

27/09/2023 - 16:03

"Іх норавы" / @rubanau_collage

Сёння кіраўнік ЦВК Ігар Карпенка сказаў, што ўдзельнічаць у парламенцкіх выбарах беларусы замежжа не змогуць. А калі хочуць прагаласаваць — хай прыязджаюць дадому. І Карпенка чамусьці лічыць, што нічыіх правоў гэта не парушае. Беларускаму рэжыму вельмі хочацца, каб за падзеямі ў краіне беларусы назіралі збоку — і нічога не чапалі.

А нам вельмі хочацца, каб вы назіралі не толькі за падзеямі ў Беларусі, але і за навінамі з усяго свету. Таму кожны дзень мы коратка расказваем вам пра галоўнае (ці проста самае цікавае).

Сцэнарысты vs штучны інтэлект — 1:0

Галівудскі "хэпі энд" галівудскай забастоўкі сцэнарыстаў. Гільдыя пісьменнікаў Амерыкі дамовілася са студыямі і пагадзілася скончыць страйк, піша ВВС.

Каля 11,5 тысяч сябраў прафсаюза пагадзілася на трохгадовую дамову, у якой ім прапануюць павышэнне зарплаты і абарону ад выкарыстання ў індустрыі тэхналогій штучнага інтэлекту.

У адрозненне ад Дональда Трампа, яго сына Эрыка ў Твітары (цяпер — платформа Х) пакуль не блакавалі. Там ён і выступіў з заявай:

"Сёння я страціў усякую веру ў прававую сістэму Нью-Ёрка. Ніколі раней я не бачыў такой нянавісці да аднаго чалавека з боку суддзі — намаганняў, скаардынаваных з генеральным пракурорам, па знішчэнні жыцця, кампаніі і дасягненняў чалавека", — напісаў Эрык.

Трампы плануюць рашэнні абскардзіць.

Гэта толькі першы з шэрагу судоў, якія чакаюць Дональда Трампа найбліжэйшым часам. Але ніякі вердыкт суддзі не перашкодзіць яму ўдзельнічаць у выбарах 2024 года — нават калі суд на нейкім з этапаў вырашыць адправіць яго ў турму.

Заходнія дэталі ў іранскіх дронах?

Кіеў адправіў у краіны "Вялікай сямёркі" сакрэтны дакумент, у якім сцвярджае, што ў іранскіх дронах-камікадзэ — мноства вырабленых у Еўропе кампанентаў. Гэты дакумент аказаўся ў распараджэнні Guardian.

"Сярод вытворцаў — кампаніі, чые штаб-кватэры размяшчаюцца ў краінах "санкцыйнай кааліцыі": ЗША, Швейцарыя, Нідэрланды, Германія, Канада, Японія і Польшча", — цытуе выданне перададзены еўрапейцам дакумент.

Украіна не абвінавачвае кампаніі ў парушэнні санкцый, усё складаней. Паводле звестак Кіева, Іран здолеў адаптавацца да санкцый і выкарыстоўвае даступныя кампаненты. А гэта значыць, што кампаніі могуць быць нават не ў курсе, што іх абсалютна мірную прадукцыю выкарыстоўваюць для таго, каб бамбіць чужыя гарады.

Калі стаміліся ад навін

Калі вы разважаеце, куды б так збегчы ненадоўга ад гэтых навін, то вось вам варыянт. На Airbnb прапанавалі арандаваць хатку Шрэка. Хатку здае... асёл.

Сценаристы смогли доказать, что искусственный интеллект их не заменит — #ИхНравы

Як выглядаюць гэтыя казачныя "апартаменты" / airbnb

"Бруднае, пакрытае мохам і каламутнай вадой балота Шрэка знаходзіцца сярод пагоркаў Шатландыі, госці могуць заседжвацца дапазна, абменьвацца гісторыямі і аб'ядацца як огр — таму што раніцамі асёл пячэ вафлі!" — кажа аб'ява.

Хатка будзе вольная з 13 кастрычніка.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.