Шэнген для беларусаў не падаражэе
Шэнгенская віза, ілюстрацыйнае фота / migratop.com
Беларусаў не закране павышэнне консульскага збору за шэнгенскую візу — яна па-ранейшаму будзе каштаваць 35 еўра. Пра гэта піша інфармагенцтва "Sputnik Беларусь" са спасылкай на амбасады Венгрыі ды Францыі.
Ад 11 чэрвеня Еўракамісія вырашыла павысіць кошт шэнгенскіх віз на 12%. Візы для дарослых падаражэюць на 10 еўра, для дзяцей — на 5 еўра.
Гэтае новаўвядзенне закране грамадзян краін, у якіх няма асобнага пагаднення з Еўрасаюзам. У Беларусі такое пагадненне ёсць.
