Сіноптыкі: Заўтра ў Беларусі месцамі магчымы мокры снег
Пераважна пройдзе кароткачасовы дождж. Уначы ападкі прагназуюцца месцамі, удзень — на большай частцы тэрыторыі краіны.
Вецер будзе паўночны, 5-10 метраў за секунду, удзень з парывамі да 14 метраў.
Як паведамляе БЕЛТА, тэмпература ў начныя гадзіны складзе ад 1 градуса марозу да 5 градусаў вышэй за нуль, у дзённыя — 6-12 цяпла.
