Следства правярае дзве версіі здарэння на Светлагорскім ЦКК
![Пасля выбуху на Светлагорскім ЦКК / прэс-служба Следчага камітэта](/sites/default/files/styles/gallery_main/public/2023-08/svietlahorsk-0806-3.jpg.webp?itok=mu7WrqBG)
Пасля выбуху на Светлагорскім ЦКК / прэс-служба Следчага камітэта
Пры выбуху на Светлагорскім цэлюлозна-кардонным камбінаце тры чалавекі загінулі (24, 31 і 42 гады), а два атрымалі цялесныя пашкоджанні. Пра гэта гаворыцца ў афіцыйным каментары Следчага камітэта.
Як распавядала Еўрарадыё, зранку 8 чэрвеня былі названыя імёны загінулых работнікаў прадпрыемства — гэта выпаршчыкі шчолакаў Віктар Раманькоў, Міхаіл Шаціца, Алег Кацуба.
Следчыя правяраюць дзве версіі прычын трагедыі — работы без рэгламенту і дапушчаныя парушэнні ў тэхналагічным працэсе.
Выбух на Светлагорскім ЦКК адбыўся ўдзень 7 чэрвеня. Санстанцыя заявіла, што жыццю і здароўю жыхароў горада аварыя на прадпрыемстве не пагражае.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.