Суд патлумачыў, чаму быў аштрафаваны журналіст Павел Дабравольскі

Журналіст партала tut.by Павел Дабравольскі атрымаў на рукі матывацыйную частку прысуду.

Як паведалялася раней, 25 студзеня журналіст быў збіты ў калідоры суда Фрунзенскага раёна Мінска. Там ён спрабаваў зняць затрыманне актывістаў, якія пратэставалі супраць палітычных рэпрэсіяў у Беларусі. Міліцыянты збіала і актывістаў, і журналіста. На Дабравольскага склалі два пратаколы: за нецэнзурную лаянку і непадпарадкаванне законным патрабаванням службовай асобы. Суд прызначыў яму штраф у 9,45 млн рублёў (45 базавых велічыняў).

У матывацыйнай частцы прысуду суддзя Ярохіна спасылаецца на паказанні міліцыянтаў. Паводле іх, журналіст нібыта наваліўся на міліцыянта, які выводзіў з залы актывістаў. Ён нібыта хапаў міліцыянта за каўнер, цягнуў на сябе, а "таксама выказваў нецэнзурную лаянку ў адрас дзеючай улады і супрацоўнікаў міліцыі".

Сам Дабравольскі расказваў, што міліцыянты вырвалі ў яго з рук камеру, журналісцкае пасведчанне і пачалі збіваць. "Потым мне закруцілі рукі, а хтосьці з праваахоўнікаў паставіў сваю нагу мне на твар", — распавядаў журналіст.

Дабравольскі збіраецца абскардзіць рашэнне суда.