Суд прызнаў экстрэмісцкімі матэрыялы выдання "Медиа-Полесье"
Суд Лунінецкага раёна прызнаў экстрэміскай прадукцыяй матэрыялы выдання "Медиа-Полесье", апублікаваныя на сайце. Таксама ў лік экстрэмісцкіх трапілі матэрыялы ў групах сацсетак "ВКонтакте" і "Аднакласнікі".
Пракурор у ліку экстрэмісцкіх назваў, напрыклад, артыкул "Ціханоўскя павіншавала беларускі народ з 2021 годам".
Затое матэрыялы ў Фэйсбуку, Інстаграме і Тэлеграме не былі "ўганараваныя" такім званнем.
Заснавальніца і галоўная рэдактарка выдання Святлана Гарда пракаментавала судовае рашэнне: "Лічым такое рашэнне палітычна матываваным, накіраваным на пераслед незалежнага медыя, якое адлюстроўвае ў сваіх публікацыях рэальную карціну таго, што адбываецца ў рэгіёне, краіне і свеце, а таксама журналістаў у сувязі з іх прафесійнай дзейнасцю".
Абскарджваць рашэнне Гарда не бачыць сэнсу.
На сёння сайт выдання заблакаваны ў Беларусі, чытаць яго можна праз VPN.
