Супрацоўнікаў "Прэс-клуба" дапыталі ў Дэпартаменце фінансавых расследаванняў

Супрацоўнікаў "Прэс-клуба" Юлію Слуцкую, Сяргея Альшэўскага, Алу Шарко, Сяргея Якупава, Пятра Слуцкага 24 снежня дапыталі ў Дэпартаменце фінансавых расследаванняў Камітэта дзяржкантролю. 

Як паведамляе "Прэс-клуб", з усіх адвакатаў узятая падпіска аб невыдаванні. Затрыманыя па-ранейшаму застаюцца пад вартай.

Затрыманні супрацоўнікаў "Прэс-клуба" і ператрусы на іх офісе ў кватэрах прайшлі 22 снежня. Прычым заснавальніцу "Прэс-клуба" Юлію Слуцкую затрымалі ў аэрапорце пры вяртанні на радзіму з адпачынку.

Дзяржаўнае інфармагенцтва БелТА са спасылкай на прэс-службу Камітэта дзяржкантролю паведамляла, што КДК правярае факты ўхілення ад падаткаў, у тым ліку паступленне буйных сум з-за мяжы.

Усіх затрыманых супрацоўнікаў "Прэс-клуба" трымаюць у ізалятары часовага ўтрымання на Акрэсціна.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.