Святар Ігар Кавальчук адбыў арышт і выехаў з Беларусі

Святар з Рагачова іерэй Ігар Кавальчук, якога ў лютым арыштавалі і судзілі і за распаўсюд "экстрэмісцкіх" матэрыялаў, выехаў з Беларусі. Пра гэта стала вядома тэлеграм-каналу "Хрысціянская візія".

Кавальчука затрымалі ў пачатку лютага пасля вяртання з паездкі ў Італію. У яго тэлефоне знайшлі падпіскі на "экстрэмісцкія" рэсурсы. На яго тады склалі пратакол паводле арт. 19.11 КоАП РБ і арыштавалі на 15 сутак. Пасля гэтага яго яшчэ арыштавалі паўторна. Аднак затым святара адпусцілі, і ён змог выехаць за межы Беларусі.

Кавальчук раней быў настаяцелем прыхода храма Успення Найсвяцейшай Багародзіцы ў аграгарадку Гарадзец Рагачоўскага раёна. Святар — грамадзянін Украіны: імаверна, гэта таксама магло паўплываць на павышаную ўвагу з боку сілавых органаў.