Сёння — прэзентацыя беларускага перакладу "Час сэканд-хэнд" Алексіевіч
Яна адбудзецца ў Мінску ў крэатыўнай прасторы "ЦЭХ" з удзелам аўтаркі.
Пачатак а 18-й гадзіне. Уваход вольны.
"Новы час" нагадвае, што беларуская версія новай кнігі Святланы Алексіевіч "Час Second-Hand. Канец чырвонага чалавека" выйшла ў выдавецтве "Логвінаў" у Бібліятэцы Саюза беларускіх пісьменнікаў "Кнігарня пісьменніка".
Як дабрацца на прэзентацыю: Крэатыўная прастора "ЦЭХ" знаходзіцца па адрасе: праспект Незалежнасці, 58, корпус 6. Каб патрапіць туды, трэба збочыць з праспекта на вуліцу Петруся Броўкі, першы паварот направа да гаражоў. Потым павярнуць направа і дайсці да доўгага будынка заводскага цэха. Крайні левы пад'езд, падняцца на другі паверх.
Фота — bymedia.net, novychas.info
