Трамп перамог Харыс ва ўсіх сямі "штатах, якія вагаюцца"
Дональд Трамп / PAP/EPA
10 лістапада ў ЗША завершаны падлік галасоў на прэзідэнцкіх выбарах, якія прайшлі пяццю днямі раней. Дональд Трамп перамог Камалу Харыс ва ўсіх сямі "штатах, якія вагаюцца", ад якіх залежаў зыход галасавання.
Апошнімі далічылі галасы ў штаце Арызона. У выніку рэспубліканец Трамп набраў 312 галасоў, у дэмакратыкі Харыс — 226. Каб стаць прэзідэнтам ЗША, дастаткова было 270 галасоў выбаршчыкаў
Такім чынам, Трамп перамог ва ўсіх "штатах, якія вагаюцца", а рэспубліканцы лідыруюць у барацьбе за Палату прадстаўнікоў.
