Трэба пераключыцца? Стварыце сваю лінію красовак (рэцэпт Трампа) — #ІхНоравы
#ІхНоравы / коллаж Влада Рубанова, Еврорадио
Калі шчыра, мы не ўяўляем, як можна пераключыць вас з навін апошніх дзён (і апошніх некалькіх гадоў). Але паспрабуем, пакуль нас усіх канчаткова не паплавіла.
Пабухцім пра TikTok
ЕС узяўся за TikTok і пачаў афіцыйна расследаваць, ці не парушае платформа закон аб лічбавых рэсурсах. Сярод іншага — ці дастаткова яна абараняе дзяцей.
"Як платформа, якая ахоплівае мільёны дзяцей і падлеткаў, TikTok павінен цалкам адыгрываць асаблівую ролю ў абароне няпоўнагадовых у інтэрнэце, — кажуць у камісіі. — Мы павінны зрабіць усе высілкі, каб абараніць нашых дзяцей".
Сам TikTok кажа, што ён і так усімі сіламі абараняе дзяцей, і спадзяецца растлумачыць еўрапейцам, як менавіта.
"TikTok упершыню распрацаваў функцыі і налады для абароны падлеткаў і недапушчэння доступу да платформы дзяцей, якім меншза 13 гадоў, — а гэта праблемы, з якімі сутыкаецца ўся індустрыя", — сказаў прадстаўнік TikTok.
Залатыя красоўкі Трампа
Прэзідэнт ЗША Дональд Трамп запусціў новую лінію красовак "Trump Sneakers". Яны залатыя, а збоку значыцца літара "Т". Пара красовак каштуе каля 400 долараў. Да вечара суботы яны ўсе (тысяча параў) ужо былі распрададзеныя.
Патэнцыйны кандыдат у прэзідэнты ЗША зрабіў гэта на наступны дзень пасля судовага пасяджэння, на якім суддзя абавязаў яго кампанію выплаціць 355 мільёнаў долараў. Гаворка ідзе пра справу аб махлярстве — суд вырашыў, што экс-прэзідэнт ЗША падманам завысіў кошт сваёй уласнасці.
"Прывітанне! Я рады, што менавіта ты знайшоў мяне. Мы адпраўляем гэты ліст з гэтым паветраным шарыкам у дзень нашага вяселля, 16 чэрвеня 2022 г. Мы хочам падзяліцца нашай любоўю ў гэты дзень. Так што калі ты знайшоў гэты шарык, калі ласка, звяжыся з намі. Мы дашлем падарунак у знак падзякі. Антон і Мія", — гаварылася ў лісце.
Сын лесніка звязаўся з маладымі. І яны нават паказалі яму фота, зробленае ў дзень вяселля!
Дзякуй шведам за тое, што ў гэтыя дні ў нас ёсць хоць трошкі добрых навін.
