У аварыі пад Рагачовам загінуў чалавек, яшчэ пяцярых шпіталізавалі

Смяротная аварыя здарылася ў Рагачоўскім раёне зранку 26 лютага, паведамляе УУС Гомельскага аблвыканкама.

Каля 7-й гадзіны раніцы 40-гадовы кіроўца "Форда", які ехаў з боку Рагачова ў напрамку вёскі Шчыбрын, не справіўся з кіраваннем і выехаў на паласу сустрэчнага руху. Аўтамабіль улабавую ўрэзаўся ў рэйсавы аўтобус "МАЗ", якім кіраваў 56-гадовы мужчына.

Пры ДТЗ на месцы аварыі загінула 36-гадовая пасажырка "Форда". Кіроўца легкавога аўтамабіля і чатыры пасажыры аўтобуса атрымалі траўмы рознай ступені цяжкасці. Іх усіх шпіталізавалі.