У Бабруйскім раёне падлеткі тушылі пажар кока-колай
На месцы здарэння / mogilev.mchs.gov.by
У Бабруйскім раёне падлеткі тушылі пажар кока-колай. Здарэнне адбылося ўдзень 9 сакавіка. Трое 12-гадовых школьнікаў гулялі ўздоўж дарогі ў аграгарадку Гарбацэвічы. Мяркуецца, што дзяўчынка падпаліла чарот, і агонь хутка распаўсюдзіўся — перакінуўся на траву, і загарэлася поле.
Падлеткі такога не чакалі, пішуць ратавальнікі. Яны спалохаліся, але пасля знялі курткі і пачалі тушыць пажар. Залівалі агонь нават кока-колай. На дапамогу прышоў бацька адной з дзяўчынак. У выніку распаўсюд пажару ўдалося спыніць яшчэ да прыезду супрацоўнікаў МНС.
На шчасце, дзеці не пацярпелі. А вось курткі свае яны сапсавалі.
Тым часам у нашай краіне працягваюцца лясныя пажары. За суткі ліквідавалі 10 пажараў на плошчы амаль 9 гектараў.
