У Беларусь выслалі кілера "банды Марозава", якога шукалі 20 гадоў
Сяргей Рэцкі / МУС Беларусі
У Беларусь з Казахстана экстрадзіраваны ўдзельнік банды Марозава, паведамляе прэс-служба МУС.
Віктара Рэцкага затрымалі ў казахстанскім горадзе Кастанай у жніўні 2024 года.
Як заяўляюць у МУС Беларусі, мужчына ўваходзіў у сумна вядомую банду Марозава з 1992 года і выконваў ролю штатнага кілера. Паводле звестак беларускай міліцыі, Рэцкі здзейсніў шэраг забойстваў і іншых цяжкіх і асабліва цяжкіх злачынстваў. У студзені 2005 года яго абвясцілі ў міждзяржаўны, а потым і міжнародны вышук па лініі Інтэрпала.
Паведамляецца, што ад крымінальнага пераследу Рэцкі хаваўся з падробленымі дакументамі на тэрыторыі Расіі і Казахстана.
Банда Марозава дзейнічала ў Гомелі і вобласці з канца 1980-х да 2004 года. На піку сваёй дзейнасці гэта была самая ўплывовая і буйная злачынная групоўка на тэрыторыі Беларусі.
