У Беларусі не будуць забараняць набажэнствы на польскай мове
Касцёл на Залатой Горцы ў Мінску, ілюстрацыйнае фота / Еўрарадыё
Набажэнствы на польскай мове ў Беларусі забараняць не будуць. Так упаўнаважаны па справах рэлігій і нацыянальнасцяў рэспублікі Аляксандр Румак адказаў на пытанне журналістаў.
Цяпер у Палаце прадстаўнікоў разглядаецца законапраект аб рэлігійных арганізацыях.
Па словах Румака, якія перадае ТАСС, у Беларусі "няма забароны на выкарыстанне нацыянальных моў, у адпаведнасці з Законам аб нацыянальных меншасцях кожны чалавек мае права выбіраць сабе і вызнаваць рэлігію на нацыянальнай мове".
Пры гэтым Румак патлумачыў, што выкарыстанне дзяржаўных моваў будзе абавязковым у сферы рэлігійнай асветы для дзяцей і дарослых — у нядзельных школах і занятках асветніцкіх груп.
