У Беларусі пабудуюць бульбасховішча за грошы, вылучаныя на космас
Бульба, ілюстрацыйнае фота / pixabay.com
На будаўніцтва бульбасховішча на 20 тысяч тон на Талачынскім кансервавым заводзе дадаткова вылучаць больш за 2,25 мільёна рублёў. Адпаведнае рашэнне прыняў Савет міністраў сваёй пастановай №935 ад 26 снежня. Дакумент апублікаваны на Нацыянальным прававым інтэрнэт-партале.
Дадатковыя грошы на будаўніцтва возьмуць з бюджэтных сродкаў, вылучаных Акадэміі навук на стварэнне касмічнай сістэмы дыстанцыйнага зандаванне Зямлі, правядзенне сацыялагічных апытанняў і даследаванняў, а таксама работ па арганізацыі вытворчасці навуковымі арганізацыямі НАН.
