У Беларусі ў няволі знаходзяцца 135 дзеячаў культуры
Халодная вясна 2023-га / Ілюстрацыйнае фота polskieradio.pl
У Беларусі ў няволі знаходзяцца 135 дзеячаў культуры, з іх — 28 літаратараў (даныя на 28 лютага 2023-га). Пра гэта сведчыць хроніка парушэнняў правоў чалавека ў галіне культуры, якую складае Беларускі ПЭН.
Над некаторымі дзеячамі культуры цяпер праходзяць суды. Напрыклад, у Мінску судзяць палітвязня Паўла Белавуса. Філасофу-метадолагу і палітзняволенаму Уладзіміру Мацкевічу нядаўна ўзмацнілі жорсткасць рэжыму і перавялі з калоніі № 7 у Шклове ў турму № 4 у Магілёве.
Тым часам улады вядуць барацьбу са "здраднікамі" ва ўстановах культуры, звальняюць іншадумцаў.
