У "Беллеспаперпраме" расказалі пра сітуацыю пасля здарэння ў Светлагорску
![На месцы, дзе адбылася трагедыя / ranak.me](/sites/default/files/styles/gallery_main/public/2023-08/5-e1686228334326.jpg.webp?itok=pcrutfUt)
На месцы, дзе адбылася трагедыя / ranak.me
У "Беллеспаперпраме" расказалі пра сітуацыю ў галіне пасля здарэння на Светлагорскім цэлюлозна-кардонным камбінаце. 7 чэрвеня пры выбуху загінулі тры чалавекі. Ідуць рамонтна-аднаўленчыя працы.
Перапрацоўчыя кардонна-папяровыя прадпрыемствы краіны "працуюць у штатным рэжыме", заявілі ў канцэрне. Запасы цэлюлозы на складах ёсць непасрэдна на Светлагорскім ЦКК і на прадпрыемствах, якія выпускаюць паперу і кардон. Яны дазваляюць "бесперабойна забяспечваць вытворчы працэс на працягу месяца". У "Беллеспаперпраме" мяркуюць, што калі з гэтым узнікнуць праблемы, яны будуць набываць цэлюлозу ў Расіі.
Следчыя правяраюць дзве версіі прычын трагедыі — працы без рэгламенту і дапушчаныя парушэнні ў тэхналагічным працэсе. Распачата крымінальная справа.
На будаўніцтва Светлагорскага ЦКК лукашэнкаўскі ўрад патраціў $850 млн, з іх $654 млн узялі ў крэдыт у кітайскіх банкаў. Камбінат здалі з 5-гадовай затрымкай, і нядаўняе надзвычайнае здарэнне на ім — далёка не першае.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.