У эліце беларускага футбола мінус адзін клуб: здымаецца мінскае "Тарпеда"

"Тарпеда" — клуб, які мае 70-гадовую гісторыю. У эліту каманда трапіла ў 2018-м, калі да першынства не дапусцілі "Крумкачоў". Сёлета ў траўні расійскі бізнесмен Міхаіл Міроненкаў спыніў фінансаванне клуба. Яшчэ ў пачатку ліпеня "аўтазаводцы" спадзяваліся "дацягнуць да канца сезона", але не атрымалася.

"Тарпеда" займае апошняе, 16-е месца. "Прессбол" мяркуе, што вынікі каманды не будуць ануляваныя, але ва ўсіх наступных паядынках ёй залічаць тэхнічныя паражэнні з лікам 0:3.