У Гродзенскай вобласці “Фіят” сутыкнуўся з машынай “хуткай”
Трагедыя адбылася на трасе Дзятлава — Слонім. 20-гадовы кіроўца выехаў на сустрэчную паласу, у выніку чаго адбылося лабавое сутыкненне з “хуткай”, паведамляе тэлеканал СТВ. Удар быў гэтулькі моцным, што тры пасажыры “Фіята” загінулі на месцы. Кіроўцы абодвух машын, а таксама фельчар з “хуткай” трапілі ў лякарню з цяжкімі траўмамі. Прычынай здарэння называюць абледзянелую дарогу.
