У хакейным мінскім "Дынама" будзе трэнер-замежнік?

Як вядома, у сярэдзіне траўня было агучана, што галоўным трэнерам каманды будзе Аляксандр Андрыеўскі. Аднак ён так і не падпісаў кантракт. Клубу давялося шукаць іншыя варыянты.

"Дзмітрый сказаў, што на наступным тыдні будзе "бомба", — піша Яронка. — Яны падпісалі нейкую звязку трэнераў". Баскаў не стаў удакладняць, хто гэта: замежнікі ці беларусы.

Галоўны рэдактар газеты "Прессбол" Сяргей Кайко не выключае, што галоўным трэнерам "Дынама" стане замежнік. На карысць гэтай версіі сведчыць той факт, што кіраўніцтва клуба збіраецца пашырыць легіянерскую квоту: з "4+1" (4 хакеіста і брамнік) да "6+1". А гэтага мог запатрабаваць якраз замежны спецыяліст. Да таго ж прызначэнне айчыннага трэнера наўрад ці можна было б назваць "бомбай".