У Канадзе вялізныя чэргі жадаючых легальна купіць марыхуану (фота, відэа)

У Канадзе былі вялізныя чэргі жадаючых легальна купіць марыхуану. У Манрэалі каля адной з кропак продажу чаргу займалі з ночы, а ў Калгары — аж ад аўторка.

Канада стала другой краінай свету пасля Уругвая і першай краінай "Вялікай сямёркі", якая легалізавала марыхуану. Адбылося гэта 17 кастрычніка. Асобам, якім ёсць 18 гадоў, “траўку” можна легальна купіць у крамах (у тым ліку і ў інтэрнэце). Яны могуць захоўваць да 30 грамаў канабіса і вырошчваць для ўласнага карыстання не больш за чатыры расліны канопляў.