У Літве апыталі беларусаў: большасць з'ехалі па палітычных прычынах
Беларусы адчуваюць сябе ў Літве ў бяспецы / delfi.lt
У Літве апыталі беларусаў, якія прыехалі ў гэтую краіну ў апошнія гады. Высветлілася, што 86% іх з'ехалі з Беларусі па палітычных прычынах — ратаваліся ад палітычнага пераследу на радзіме. Яны альбо самі сутыкаліся з рэпрэсіямі, альбо пад іх трапілі іх блізкія, "і стала зразумела, што яны будуць наступныя", піша delfi.lt.
Сярод палітуцекачоў у асноўным людзі ва ўзросце 30-40 гадоў, якім было "прасцей з'ехаць". Яны прадстаўляюць самыя розныя сацыяльныя групы, якія ўдзельнічалі ў пратэстах у Беларусі ў 2020-м: "Ад працаўнікоў заводаў да праграмістаў".
Мяркуецца, што ў Літве знаходзіцца каля 40 тысяч беларусаў. Яны добра інтэгруюцца. Сацыяльнымі праграмамі карыстаецца толькі каля 10%, каля 70% удзельнікаў апытання маюць пастаянную і стабільную крыніцу даходу. Кожны чацвёрты хоча стварыць працоўнае месца сабе і іншым.
Апытаныя беларусы адчуваюць сябе ў Літве ў бяспецы. Многія перажываюць, што рэжым Аляксандра Лукашэнкі зрабіў Беларусь суагрэсарам Расіі і што гэтая пляма застанецца на ўсіх беларусах.
