У Літве беларускія актывісты спынілі дзве фуры з прадукцыяй "Гродна Азота"
Спынены правоз санкцыйнага груза з Беларусі / t.me/Belarus_Files/
Уначы ў Літве актывісты "Рабочага Руху" спынілі дзве фуры з прадукцыяй "Гродна Азота". Яны дамагліся, каб груз адправілі на дадатковую праверку ў пункт кантролю, піша @Belarus_Files.
"Гродна Азот" знаходзіцца пад санкцыямі і яго прадукцыя не можа трапіць на тэрыторыю ЕС. Аднак санкцыі спрабуюць абыходзіць. Беларускія актывісты заблакавалі фуры на памежным пункце Райгардас (з беларускага боку — Прывалка). Перад гэтым яны прайшлі літоўскі мытны кантроль. Кіроўцы пацвердзілі, што ўгнаенні былі загружаны на "Гродна Азоце". Адзін з іх сказаў, што нічога не ведае пра санкцыйны груз.
Актывісты "Рабочага Руху" перадалі прадстаўнікам літоўскіх уладаў "дакументальныя доказы абыходу санкцый". Пасля разбіральніцтваў з прадстаўнікамі літоўскай паліцыі, мытні і памежнікамі, фуры развярнулі. Іх мусілі зноў праверыць.
1/2 Today's night we witnessed on the Belarusian-Lithuanian border the detaining of two trucks loaded with fertilizers made on the Grodno Azot facility. Grodno Azot is under EU #sanctions and thus the import of its production in EU is prohibited. pic.twitter.com/1nrg91node
— Belarusian Investigative Centre (@BelarusFiles) February 14, 2023
