У Магілёве затрыманы пікетоўшчык супраць расійскай авіябазы
Мікалай Гладышаў ладзіў сваю акцыю ля самага гарвыканкама.
"Спадары расійскія генералы, вы паўгода таму стаялі па стойцы смірна перад сердзюкоўскім гарэмаў, а цяпер лезеце са сваімі ракетамі і самалётамі на тэрыторыю Беларусі. Вас сюды ніхто не клікаў. Няўжо вам мала неба над Расеяй для сваіх палётаў?" - звярнуўся праз журналістаў да расійскага ваеннага кіраўніцтва Гладышаў, інфармуе БелаПАН.
Акцыя пратэсту працягвалася каля паўтары гадзіны. Каля 11.00 да Гладышава падышоў супрацоўнік міліцыі, які адвёў яго ў апорны пункт на вуліцы Крыленка. Плакат зняў невядомы чалавек у цывільным.
