У мінчука скралі 1700 долараў, якія ён хаваў ад жонкі ў грузавіку

У мінчука скралі 1700 долараў, якія ён хаваў ад жонкі ў грузавіку. Як інфармуе прэс-служба МУС, грошы ляжалі ў бардачку. Машыну пацярпелы выкарыстоўваў для продажу садавіны і гародніны. Падазраваным па справе стаў грузчык, які падпрацоўваў ва ўладальніка машыны. 34-гадовага мужчыну затрымала міліцыя. Ён прызнаўся, што аднойчы наймальнік даў яму ключы ад грузавіка і папрасіў падмяніць. Грузчык абшукаў машыну і знайшоў грошы. Ён іх забіраў часткамі — спачатку 200 долараў, пасля $1500. Долары мужчына патраціў па ўласныя патрэбы.

З інфармацыі міліцыі вынікае, што грузчык не забраў усю суму, частка грошай засталася ў схованцы.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.