У Мінску можа з'явіцца пах мазуту
На ЦЭЦ-4 будуць папаўняць запасы мазуту / БелТА
Прадпрыемства "Мінскэнерга" папярэдзіла аб магчымым з'яўленні паху мазуту ў некаторы раёнах Мінска. Гаворка ідзе аб кварталах у Фрунзенскім і Маскоўскім раёнах, якія знаходзяцца недалёка ад Мінскай ЦЭЦ-4.
Тут будуць папаўняць запасы мазуту — гэта звязана з пачаткам ацяпляльнага перыяду. Праз гэта і можа з'явіцца спецыфічны пах. Спецыялісты "Мінскэнерга" загадзя выбачылися за магчымыя нязручнасці перад жыхарамі раёнаў, размешчаных побач з ЦЭЦ-4.
Аб завяршэнні работ па папаўненні запасаў паліва энергетыкі абяцалі паведаміць асобна. Інфармацыя будзе размешчана на сайце "Мінскэнерга".
