У Мінску праходзіць сустрэча трохбаковай кантактнай групы па Украіне
У Мінску праходзіць сустрэча трохбаковай кантактнай групы па Украіне. Пра гэта ў сваім афіцыйным твітэр-акаўнце паведаміла Міністэрства замежных спраў Беларусі.
В #Минск'е проходит встреча Трехсторонней контактной группы по урегулированию ситуации на востоке #Украина pic.twitter.com/nc6tpY7GNs
— МИД Беларуси (@BelarusMID) July 19, 2017
У сустрэчы ўдзельнічаюць прадстаўнікі АБСЕ, Украіны і самаабвешчаных "ДНР" ды "ЛНР".
Гэта першая сустрэча па Украіне пасля размовы Пуціна і Трампа, што адбыліся 7 ліпеня ў Гамбургу ў межах саміта G20. Перамовы ў Мінску праходзіць на фоне абвяшчэння кіраўніком "ДНР" Аляксандрам Захарчанкам "Маларосіі" — новага дзяржаўнага ўтварэння на Усходзе Украіны.
19 ліпеня на пасяджэнне ў Мінску збяруцца ўсе рабочыя падгрупы. Бакі разгледзяць пытанні аб спыненні агню, развядзенні войскаў, узгадненні спісу па абмене палоннымі і аднаўленні інфраструктуры.
У мінулы раз удзельнікі кантактнай групы сустракаліся ў Мінску 5 ліпеня. Тады спецпрадстаўнік АБСЕ Марцін Сайдзік настойваў на неабходнасці працягваць "хлебнае перамір'е", то бок цалкам спыніць агонь на час збору ўраджаю — з 24 чэрвеня па 31 жніўня. Гэта рашэнне прывяло да зніжэння колькасці абстрэлаў.
