У Мінску затрымалі беларуса са зброяй, які ваяваў ва Украіне
![У Мінску затрымалі беларуса са зброяй, які ваяваў ва Украіне](/sites/default/files/styles/gallery_main/public/2023-08/000024_537485_big.jpg.webp?itok=4nlHUWRM)
Раніцай 26 лістапада на чыгуначным вакзале ў Мінску затрымалі ўзброенага грамадзяніна Беларусі. Пры сябе ён меў выбухоўку і зброю. Хлопец ваяваў ва Украіне, але невядома на якім з бакоў. На яго распачатая крымінальная справа за незаконныя дзеянні ў дачыненні зброі, боепрыпасаў, выбухоўкі. Пра гэта Еўрарадыё паведаміў кіраўнік прэс-службы Следчага камітэта Сяргей Кабаковіч:
"Пры ім была зброя і выбуховыя рэчывы. У дачыненні да яго распачатая крымінальная справа па частцы 2 артыкула 295. Гэта незаконныя дезянні ў дачыненні зброі, боепрыпасаў, выбуховых рэчываў. З ім працуюць следчыя".
Максімальнае пакаранне па гэтым артыкуле — да сямі гадоў зняволення, мінімальнае — да двух гадоў папраўчых прац — "хіміі".
Нагадаем, нядаўна міністр унутраных спраў Ігар Шуневіч паведаміў Еўрарадыё, што беларускімі праваахоўнікамі матэрыялы па артыкуле “Наёмніцтва” збіраюцца на 20 чалавек, якія ваявалі ці ваююць на Данбасе на абодвух баках фронту.
Фота: БЕЛТА
![У Мінску затрымалі беларуса са зброяй, які ваяваў ва Украіне](/sites/default/files/paragraphs/image/000023237694big.jpg)