У Навагрудку затрымалі эксгібіцыяніста
![Інцыдэнт адбыўся ў скверы, ілюстрацыйнае фота](/sites/default/files/styles/gallery_main/public/2023-10/benches_31_10.jpg.webp?itok=Pfk1jNFa)
Інцыдэнт адбыўся ў скверы, ілюстрацыйнае фота / pixabay.com
У Наваградку затрымалі мужчыну, які ў разгар працоўнага дня ў мясцовым скверы здзяйсняў "у прысутнасці жанчыны непрыстойныя дзеянні". Пра гэта расказалі ў Гродзенскім УУС.
Ахвяры 33 гады, яна ішла па алеі сквера, калі ўбачыла мужчыну, які, як кажуць у мясцовай міліцыі, "дэманстратыўна праводзіў пэўныя маніпуляцыі ў раёне пахвіны". Дзяўчына спачатку адышла, затым вярнулася і засняла дзеянні мужчыны на тэлефон. Затым патэлефанавала ў міліцыю.
Калі мужчыну затрымалі, ён патлумачыў міліцыянтам, што такім чынам хацеў "выказаць сваю сімпатыю даме". На яго завялі крымінальную справу паводле артыкула "Хуліганства".
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.