У першых матчах 1/8 фіналу Лігі чэмпіёнаў перамаглі ПСЖ і "Рома" (відэа)
Футбольныя балельшчыкі дачакаліся аднаўлення матчаў Лігі чэмпіёнаў і Лігі Еўропы. У аўторак прайшлі першыя паядынкі 1/8 фіналу ЛЧ. "Манчэстар Юнайтэд" на сваім полі прайграў ПСЖ — 0:2, "Рома" выйграла ў "Порту" — 2:1. Матчы ў адказ — 6 сакавіка.
13 лютага сустрэнуцца "Тотэнхэм" і дортмундская "Барусія", "Аякс" і мадрыдскі "Рэал".
У аўторак адбыўся і адзін матч 1/16 фіналу Лігі Еўропы. У ім "Фенербахчэ" выйграў у "Зеніта" — 1:0. Іншыя сустрэчы 1/16, у тым ліку БАТЭ — "Арсенал", адбудуцца 14 лютага.
