У Польшчы апраўдалі беларуса, якога судзілі за незаконнае перасячэнне мяжы
![У Польшчы апраўдалі беларуса, якога судзілі за незаконнае перасячэнне мяжы](/sites/default/files/styles/gallery_main/public/2023-08/18_08-d-sad-wyrok-kod-koszulka-kaczynski.jpg.webp?itok=etaeoEiG)
У Польшчы апраўдалі беларуса, якога судзілі за незаконнае перасячэнне мяжы. Віталь з Брэста ўцёк за мяжу ад крымінальнага пераследу на радзіме. Па яго словах, ён быў прадпрымальнікам у Брэсце. Пасля пратэстаў жніўня 2020-га ў Беларусі Віталь стаў фігурантам крымінальнай справы, яго аб'явілі ў вышук. Мужчына сцвярджае, што на радзіме яму пагражае каля дзесяці гадоў зняволення. Таму ён нелегальна перайшоў беларуска-польскую мяжу з мэтай атрымаць палітычны прытулак.
Беларусу пагражала турэмнае зняволенне ў Польшчы ці нават экстрадыцыя ў Беларусь. Аднак для яго ўсё скончылася добра. Справу разглядаў суд ў Бяла-Падлясцы.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.