У расійскім Кемераве ў сур'ёзнае ДТЗ трапіў беларускі трамвай
![На адным з трамваяў бачная старая эмблема прадпрыемства "Белкамунмаш"](/sites/default/files/styles/gallery_main/public/2024-06/tr_6_06.jpg.webp?itok=3AZX5GzQ)
На адным з трамваяў бачная старая эмблема прадпрыемства "Белкамунмаш" / ГУВД Кемеровской области
Два трамваі сутыкнуліся сёння раніцай у расійскім горадзе Кемерава. Адзін з іх, мяркуючы па фота, беларускай вытворчасці, звярнуў увагу рэсурс Reform.news. У абодвух трамваях былі людзі. Вядома пра дзясяткі пацярпелых і аднаго загінулага.
"На жаль, нягледзячы на ўсе намаганні лекараў, памёр адзін з пацярпелых у аварыі на Логавай шашы", — прыводзіць словы кіраўніка Кемерава Дзмітрыя Анісімава партал ngs42.ru. Па дадзеных чыноўніка, стан астатніх шпіталізаваных боязі ў лекараў не выклікае. Раней часова выконваючы абавязкі губернатара Кузбаса Ілля Серадзюк казаў, што пасля аварыі па дапамогу да медыкаў звярнуліся 67 чалавек. "З іх у цяжкім стане тры чалавекі — двое знаходзяцца ў рэанімацыі, адзін у аперацыйнай", — пісаў Серадзюк. Пазней колькасць пацярпелых яшчэ вырасла. Па словах міністра аховы здароўя рэгіёну Дзмітрыя Беглова, у ДТЗ з трамваямі пацярпелі больш за 90 чалавек . Сярод іх сем дзяцей.
Магчымай прычынай аварыі маглі стаць праблемы з тармазной сістэмы. "Інтэрфакс" прыводзіць тлумачэнні прадстаўнікоў Кемераўскай электратранспартнай сістэмы (КЭТК). Па іх словах, "спачатку трамвай на цяжкім участку, які ідзе пад ухілам, па невядомай прычыне не затармазіў і пад дзеяннем цэнтрабежнай сілы з салона выпалі два чалавекі". Пры гэтым у КЭТК адзначаюць, што кіроўца не мог адчыніць дзверы, хутчэй за ўсё "яны былі выціснутыя пад напорам пасажыраў". Далей трамвай працягнуў рух і ўрэзаўся ў іншы трамвай, які стаяў на прыпынку.
"Цяпер разглядаецца дзве версіі таго, што адбылося: чалавечы фактар і тэхнічная", — адзначылі ў прэс-службе КЭТК. Па дадзеным факце ўзбуджаная крымінальная справа па ч. 2 арт. 238 КК РФ (аказанне паслуг, якія не адказваюць патрабаванням бяспекі жыцця або здароўя спажыўцоў).
Між тым кіраўнік горада Анісімаў адзначыў, што знос кемераўскіх трамваяў дасягае 90%. "Яны састарэлыя, іх узрост складае да 40 гадоў", — адзначыў ён у інтэрв'ю ТАСС. Гарадскія ўлады цяпер шукаюць фінансаванне, каб абнавіць парк.
![В российском Кемерово в серьезное ДТП попал белорусский трамвай](/sites/default/files/styles/default_image_paragraph/public/paragraphs/image/tr_6_06_2.jpg.webp?itok=gz8HGsd2)
![В российском Кемерово в серьезное ДТП попал белорусский трамвай](/sites/default/files/styles/default_image_paragraph/public/paragraphs/image/%D0%A1%D0%BD%D0%B8%D0%BC%D0%BE%D0%BA%20%D1%8D%D0%BA%D1%80%D0%B0%D0%BD%D0%B0%202024-06-06%20085618.png.webp?itok=iyEHkfBs)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.