У размаляванні чырвонай фарбай помніка Пушкіну падазраюць маладафронтаўца
![У размаляванні чырвонай фарбай помніка Пушкіну падазраюць маладафронтаўца](/sites/default/files/styles/gallery_main/public/2023-08/pushkin-1701.jpg.webp?itok=eX2lEjpT)
У Мінску затрыманы маладафронтавец 25-гадовы Піліп Шаўроў, напісаў у Facebook Павел Севярынец. Яго падазраюць у размаляванні чырвонай фарбай помніка паэту Аляксандру Пушкіну. Расійскае пасольства раней назвала здарэнне ў беларускай сталіцы "актам вандалізму", была распачата крымінальная справа.
Міліцыя затрымала Шаўрова ўдзень 19 студзеня. Яго падазраюць не толькі ў размаляванні помніка Пушкіну, але і ў нанясенні графіці "Свабоду палітвязням!". Маладафронтавец знаходзіцца ў ізалятары на Акрэсціна. Піліп Шаўроў — ураджэнец Віцебска, скончыў юрфак БДУ, жанаты.
Помнік Пушкіну стаіць у Мінску ў скверы на беразе Свіслачы, недалёка ад Дома Масквы.
![У размаляванні чырвонай фарбай помніка Пушкіну падазраюць маладафронтаўца](/sites/default/files/paragraphs/image/381527646348440002276386031866304024018944n.jpg)
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.