Маладафронтавец Шаўроў, якога вызвалілі пад падпіску, хворы

Шаўроў хворы, у яго тэмпература, 5 траўня ён хадзіў у паліклініку. Жонка мяркуе, што гэта была адна з прычын, чаму яго вызвалілі пад падпіску. Іншай прычынай можа быць выкарыстанне прапагандай яго выказванняў пра апазіцыю, мяркуе яна.

У студзені Філіп Шаўроў размаляваў чырвонай фарбай рукі помніку Пушкіна ў Мінску. Таксама ён нанёс выяву бел-чырвона-белага сцягу на помнік загінулым міліцыянерам і зрабіў надпіс “1937” на плоце ў Бараўлянах. У міліцыю Шаўроў прыйшоў сам. За кратамі ён знаходзіўся больш за тры месяцы. Маладафронтаўцу пагражае да шасці гадоў пазбаўлення волі. У красавіку праваабарончыя арганізацыі запатрабавалі вызвалення Філіпа Шаўрова і спынення крымінальнай справы, прызналі яго палітычным зняволеным.

Пасля гэтага на сайце sb.by былі апублікаваныя скандальныя відэафрагменты допытаў маладафронтаўца, дзе ён выказваецца пра апазіцыю і апазіцыянераў.