У справе аб дамоўным матчы ў беларускім хакеі з'явілася яшчэ і парнаграфія

Высветлілася, што за грошы забеспечыць патрэбны вынік пагадзіліся гульцы "Дынама-Маладзечна" Аляксей Іваноў, Сяргей Шэлег, Вячаслаў Лісічкін. Двое апошніх прыцягнулі да змовы Станіслава Кучкіна, Паўла Баярчука і Аляксандра Сырэя. Апошні далучыў яшчэ і Мікіту Усціненку, былога гульца зборнай Беларусі. Лісічкін, Баярчук і Кучкін дапамаглі следству, справу ў дачыненні да іх спынілі. Вядома, што Дзмітрый Абмражэйчык, Мікіта Феакцістаў, Арцём Волкаў даведаліся пра запланаваны дамоўны матч у дзень гульні. Яны ў змове не ўдзельнічалі, але нікому пра задуманае іншымі не паведамілі.

Дысцыплінарны камітэт Федэрацыі хакея Беларусі адрэагаваў яшчэ ў сакавіку. Іваноў, Шэлег, Лісічкін, Кучкін, Баярчук, Сырэй і Усціненка дыскваліфікаваныя на год. Трэнер "Дынама-Маладзечна" Ігар Крывашлык дыскваліфікаваны безтэрмінова. Усіх іх, а таксама і клуб, аштрафавалі.

"Прессбол" паведамляе, што Аляксея Іванова, Аляксандра Сырэя, Мікіту Усціненку і Сяргея Шэлега абвінавачваюць не толькі ў атрыманні незаконнага ўзнагароджання за ўдзел у дамоўным матчы, але і ў распаўсюдзе парнаграфіі ў інтэрнэце. Ролікі з'яўляліся ў групавых чатах.

Наступнае пасяджэнне ў судзе пройдзе 7 траўня.