У Турцыі ў ДТЗ загінула беларуска, яшчэ адна — затрыманая
У Турцыі загінула беларуска, яшчэ адна затрыманая. Такую інфармацыю пацвердзілі БЕЛТА ў МЗС. Паводле знешнепалітычнага ведамства, амбасада Беларусі ў Турцыі актыўна займаецца гэтай сітуацыяй, падтрымліваецца кантакт са сваякамі жанчын. Цяпер дыпламаты працуюць над пытаннямі з дастаўкай цела загінулай беларускі і з доступам да затрыманай родных і консула.
Прычынай трагедыі стала дарожна-транспартнае здарэнне, якое адбылося на турэцкім курорце Сідэ ў ноч на 31 жніўня. Дзве жыхаркі Гродна вырашылі пакатацца на машыне з турэцкімі грамадзянамі. Адна з беларусак была за рулём у момант затрымання.
