Ва Украіне затрымалі мужчыну, які перадаваў інфармацыю беларускім сілавікам
Супрацоўнік СБУ / @SBUkr
Служба бяспекі Украіны затрымала ў Ровенскай вобласці мужчыну, які перадаваў беларускім праваахоўнікам інфармацыю пра размяшчэнне ўкраінскіх блокпастоў, а таксама пра дыслакацыю і перасоўванні жывой сілы і тэхнікі УСУ ў Заходняй Украіне.
"Суседзяў" асабліва цікавілі ўмацаванні на памежных тэрыторыях", — адзначаюць у СБУ.
Мужчына перадаваў сабраныя звесткі падчас незаконнага перасячэння дзяржаўнай мяжы з Беларуссю. Затрыманага падазраюць у "распаўсюдзе інфармацыі пра перамяшчэнне, рух або размяшчэнне УСУ або іншых вайсковых фармаванняў" (ч. 2 арт. 114-2 Крымінальнага кодэкса Украіны). Яму пагражае ад пяці да васьмі гадоў пазбаўлення волі.
