Ва Украіну прыехала кіраўніца Еўракамісіі
Урсула фон дэр Ляен у Кіеве / https://twitter.com/vonderleyen
9 траўня ва Украіну прыехала кіраўніца Еўракамісіі Урсула фон дэр Ляен. "Прыемна вярнуцца ў Кіеў. Дзе каштоўнасці, якія мы шануем, адстойваюцца кожны дзень. Так што гэта годнае месца для святкавання Дня Еўропы", — напісала яна ў Twitter.
Урсула фон дэр Ляен вітае рашэнне прэзідэнта Украіны Уладзіміра Зяленскага адзначаць 9 траўня ва Украіне Дзень Еўропы — разам з краінамі ЕС. Зяленскі прапанаваў Вярхоўнай Радзе зрабіць яго працоўным днём, а выходным — 8 траўня, калі адзначаецца Дзень памяці і перамогі над нацызмам у Другой сусветнай вайне.
У аўторак у Кіеве адбылася сустрэча ўкраінскага прэзідэнта і кіраўніцы Еўракамісіі. Напярэдадні яе прыезду РФ нанесла па Украіне чарговы ракетны ўдар. 23 з 25 ракет былі збітыя.
