Высветленыя асобы ўсіх 84 загінулых падчас тэракта ў Ніцы
Высветленыя асобы ўсіх 84 загінулых падчас тэракту ў Ніцы. Пра гэта паведамляе агенцтва France-Presse, спасылаючыся на дадзеныя пракуратуры.
Спецыялісты-медыкі агледзелі целы загінулых і правялі працэдуру ідэнтыфікацыі. Цяпер сваякі могуць атрымаць целы сваіх блізкіх і атрымаць пасведчанне аб смерці.
Паводле дадзеных пракуратуры, падчас тэракта загінуў адзін грамадзянін Украіны, дзве расіянкі, чацвёра грамадзян Казахстана, адна армянка, двое грамадзян Эстоніі, два амерыканцы, тры немцы, адна грамадзянка Швейцарыі. Пэўны час таму пра гібель сваіх грамадзян заяўлялі ўлады Марока і Алжыра. Усе астатнія ахвяры — грамадзяне Францыі.
Увечары 14 ліпеня тэрарыст за рулём фуры заехаў у натоўп людзей, якія знаходзіліся на набярэжнай Ніцы. Загінулі 84 чалавекі, за жыцці некаторых параненых ўсё яшчэ змагаюцца медыкі.
