Зрабілі гучна! Як прайшоў LIDBEER-2018: вялікі фотарэпартаж

Адкрыццё фестываля. 8 верасня, 12:30, прыступкі ля Лідскага замку. Генеральны дырэктар "Лідскага піва" Аўдрыюс Мікшыс вітае ўсіх гасцей фестываля і робіць сімвалічны глыток. Гэта робіцца адпраўным момантам свята, якое грымела ў Лідзе да глыбокай ночы.

Аўдрыюс Мікшыс падчас прамовы.

Праз пару гадзін горад закіпае. Пагуляць на свяце піва прыехалі дзясяткі тысяч чалавек! Расчараваных не бачна: паўсюль смех, вясёлыя размовы, песні.

У наведвальнікаў фестывалю было шмат магчымасцяў адпачыць і павесяліцца: пяціметровы шашлык, вулічныя музыкі, рыцарскі турнір, бітва піва, верталёт, на якім за 30 рублёў мог палётаць кожны жадаючы.

Вялікай папулярнасцю карыстаўся асобны шапік з вышыванкамі.

Дзве сцэны, некалькі гадзін першакламнай музыкі. Людзей так шмат, што некаторым даводзіцца выкарыстоўваць біноклі, каб пабачыць улюбёных музыкаў.

NizKiz, зоркі беларускага року, завялі натоўп.

Піцерцы Animal ДжаZ здзівілі сваёй эмацыйнасцю, а на развітанне выканалі свой галоўны хіт "Тры палоскі".

Украінцы "Воплі Відоплясова". Падчас прэс-канферэнцыі лідар гурта Алег Скрыпка адзначыў і беларускую музыку: "На маю думку, беларусы робяць шыкоўную музыку. Магчыма, нават, лепшую ў свеце. Але пра гэта ніхто не ведае. І гэта той накірунак, у якім варта працаваць".